تعلیم و تربیت کے میدان میں علم و عمل سے مسلح نسل نو کی تربیت کیلئے ایک فقید المثال ادارہ، جہاں دینی و دنیاوی تعلیم دی جاتی ہے

کلیہ شریعہ: (2019)

البیان انسٹیٹیوٹ کا دوسرا مرحلہ کلیہ شریعہ ہے جو کہ فقہ ، اصول فقہ، علوم حدیث کے تخصص پر مشتمل ہے، جس میں عصر حاضر کے تقاضوں اور روز بروز ابھرتے نت نئے فتنوں کو مد نظر رکھتے ہوئے رد الحاد ، دفاع حدیث ، اسلامی اصول تجارت ، اور حلال فوڈ جیسے اہم مضامین بھی نصاب میں شامل کئے گئے ہیں۔

تعلیمی خصوصیات

اسی طرح طلبہ میں معاشرے کے ہر میدان میں دینی خدمات انجام دینے کی صلاحیت پیدا کرنے کے لئے اعلی عصری تعلیم کا بھی اہتمام کیا گیا ہے جس کے لئے B.Com/BBA/BCS کے مضامین کاا نتخاب کیا گیا ہے ۔جس کی تدریس کے لئے ماہر پروفیسرز اور لیکچرارز کی خدمات حاصل کی جارہی ہیں۔اور اس کی Affiliation کراچی یونیوسٹی کے ساتھ کی جارہی ہے۔
کلیہ شریعہ دراصل اسلامی یونیورسٹی کے قیام کاآغاز ہے جس میں مختلف اہم دینی علوم پر مشتمل Faculties قائم کی جائیں گی اور دنیاوی تعلیم میں Higher Education کا انتظام ہوگا ۔ ان شاء اللہ۔

اس خواب کی تعبیر کی جانب پہلا قدم  مکمل ہوچکا ہے اور الحمد للہ اس یونیورسٹی کے لئے مین نیشنل ہائی وےنزد گلشن حدید  پر 8 ایکڑ زمین ایک ساتھی کی جانب سے عطیہ کی گئی ہے جس پراگلے مرحلہ میں ان شاء اللہ تعمیرات کا آغاز کیا جارہا ہے۔ رب تعالی سے دعا  ہے کہ اس اسلامی یونیورسٹی   کے ہمارے خواب کو شرمندہ تعبیر فرمائے، اس کو ایک عالمی سطح کا تعلیمی ادارہ بنانے کی توفیق عطا فرمائے  اور اس کے لئے زمین عطیہ کرنے والے احباب اوراس ادارے سے منسلک علماء و معاونین کے لئے تاقیامت اس کو صدقہ جاریہ بنائے۔۔ آمین ۔

تعلیم و تربیت کے میدان میں علم و عمل سے مسلح نسل نو کی تربیت کیلئے ایک فقید المثال ادارہ، جہاں دینی و دنیاوی تعلیم دی جاتی ہے

فہمِ دین کورسز(برائے حضرات وخواتین) 

قرآن مجید وہ آسمانی وحی اور کلام الہی ہے جو ہماری رہنمائی کے لئے نازل کیا گیا ہے، آج امت مسلمہ کے زوال کا بنیادی سبب قرآن مجید سے دوری ہے،  اور اس دوری کو ختم کرنا اور قرآن مجید سے اپنا تعلق مضبوط کرنا ہماری سب سے اہم ذمہ داری ہے، اسی ذمہ داری کا احساس کرتے ہوئے المدینہ اسلامک سینٹر نے فہم قرآن کورس کا آغاز کیا،  جو کہ کراچی اور اندرون سندھ کے مختلف مقامات پر جاری ہے، اس کورس کی نمایاں خصوصیت ہے کہ اس میں روزمرہ زندگی سے متعلق آسان اور عام فہم انداز میں تفسیر  کے ذریعہ قرآن کریم سے رہنمائی پیش کی جاتی ہے تاکہ ہر  مسلمان کلام الہی کو سمجھ کر  اس کے مطابق اپنی زندگی گزار سکے۔

گزشتہ سال یہ کورسز covid کی پابندیوں کے پیش نظر کراچی کے  دومقامات مسجد سعد بن ابی وقاص ، اور مسجد ایک مینارہ  میں کرائے گئے جبکہ آئندہ سال کراچی کے مزید کئی مقامات پر اس کورس کا آغاز کیا جارہا ہے  ان شاء اللہ ۔

روزمرہ زندگی کے متعلق قرآنِ مجید کے بنیادی احکامات سے آگاہی اور قرآنِ حکیم سے مضبوط تعلق پیدا کرنے کے لیے، اور عوام کو قرآن کریم سے جوڑنے کے لیے “المدینہ اسلامک ریسرچ سینٹر” کے تحت یہ کورس منعقد کیا گیا جس میں مذہبی و سیاسی تعصبات سے بالا تر ہو کر عقائد، عبادات ومعاملات سمیت دیگر مسائل

 پر تفصیلی گفتگو کی گئی

 ، اور عصر حاضر کے مسائل پر بھی خصوصی توجہ دی گی

عصرِ حاضر کے تقاضوں کے مطابق روزمرہ زندگی سے متعلق قرآنِ مجید کے بنیادی احکامات سے آگاہی اور قرآنِ حکیم سے مضبوط تعلق پیدا کرنے کے لیے ایک سنہری کاوش۔

مدینہ یونیورسٹی کے فاضلین  اساتذہ کے زیرِ نگرانی آسان اور عام فہم انداز میں مکمل ترجمہ وتفسیر ِ قرآن پر مشتمل منفرد کورس۔

کورس کی چند خصوصیات

• ہر ماہ میں ایک پارہ کی تکمیل
• عصرِ حاضر کے مسائل پر خصوصی توجہ،
• جدید معاملات سے متعلق قرآن کریم سے رہنمائی،
• عربی زبان پر خصوصی توجہ۔
• اس وقت یہ اندرونِ سندھ میں 12 مقامات اور کراچی میں دو مقامات پر جاری ہے،
• نمازوں میں عام طور پر پڑھے جانے والے آخری پانچ پاروں کا ترجمہ وتفسیر

• روزمرہ زندگی کے متعلق قرآنِ مجید کے بنیادی احکامات سے آگاہی اور قرآنِ حکیم سے مضبوط تعلق پیدا کرنے کے لیے، اور عوام کو قرآن کریم سے جوڑنے کے لیے “المدینہ اسلامک ریسرچ سینٹر” کے تحت یہ کورس منعقد کیا گیا جس میں مذہبی و سیاسی تعصبات سے بالا تر ہو کر عقائد، عبادات ومعاملات سمیت دیگر مسائل پر تفصیلی گفتگو کی گئی ، اور عصر حاضر کے مسائل پر بھی خصوصی توجہ دی گئی

شعبہ تعلیم وتربیت کےتحت با قاعدہ طورپرادارہ کی زیرِنگرانی ایک مدرسہ بھی قائم کیا گیاہے،جس میں گزشتہ پانچ سال سے تعلیمِ قرآن کا سلسلہ جاری ہے،مدرسہ میں عدمِ تشدد کے اصول کو سرِفہرست رکھاگیاہے ۔